Radetzky-Marsch vs. Aldi Kamerade
Die Matuscha ware a großi Musich-Banda, die hen allweil in zwa Wertsheiser gspielt. Unser Ferger-Michl-Vettr hot, wie unser Großvatter fortgezog war uff Erdewik, nochmol a Musich-Banda zammgstellt. Des war ganz bestimmt in de 30er Jahre, im Reiter seim Wertshaus, beim Gmeindihaus üwr dr Weg. Der Reibl Andres-Vettr hot uff die Musikante vrgeß in seim Heimatbrief im 1976er Jahr. Do hen domols a paar Baurebuwe un a a paar bessri Buwe getanzt. An dem Dag war grad Stellung un no sin die spiele kum, oweds, far die Rekrute.
Die hän Märsch gspielt noch und noch. Freilich, die Musikante von dere Kapell hen nar vum Blatt gspielt, net auswendich. Na ja, unser Michl-Vettr, des war jo d“r Macher, net grad nar so dr Kapellmastr, der hot a misse allweil mitspiele, uffm Fliggelharn. Uff amal hot mr gheert, dass etwas nett gstimmt hot. Ich bin newr dr Musikante uffgwachs, hab schon bissl was verstande.
Bin zum Michl-Vettr hie und hab ihm sage welle, dass oner falsch gspielt hot. Der hot mich gar nett redde glost. „Brauchscht mr gar nix sage, ich hab schun ghert“ – und frogt sei Bruder, dr. Niklos-Vettr: „Niklos, do hot was net gstimmt, war des uffm S-Klarinett, bei Dir?“ Sagt dr Niklos-Vettr:
Ich hab vum Blatt gspielt, wie oft hab ich dr Radetzky-Marsch in meim Lewe schun gspielt, den kann ich auswendich.
„Aha“, no frogt dr Michl-Vettr dr Busch-Franz. „Ja, Franz, war des no bei Dir net in Ardnung uffm B-Klarinett?“ – „Ja, wieso?“, sagt dr Busch-Franz-Vettr. „Ich hab nar vum Blatt gspielt …“ „Was manscht Du Michl?“
Ich hab „Aldi Kamerade“ gspielt.
(Stefan Ferger im 8. Tscheber Heimatbrief / Dezember 1979)